פרק ב
א וִיְהִי בַּיָּמִים הָהֵם וַיֵּצֵא דְבַר מַלְכוּת מִלִּפְנֵי הַקֵּיסַר אוֹגוּסְטוֹס
לִמְנוֹת כָּל־ישְׁבֵי הָאָרֶץ׃
ב הוּא הַמִּפְקָד הָרִאשׁוֹן אֲשֶׁר נַעֲשָׂה בִּימֵי קוּרִינִיּוֹס פַּחַת אֲרָם׃
ג וַיֵּלְכוּ כֻלָּם לְהִמָּנוֹת אִישׁ אִישׁ לְעִירוֹ׃
ד וַיַּעַל גַּם־יוֹסֵף מִן־הַגָּלִיל מֵעִיר נְצָרֶת אֶל־עִיר דָּוִד הִיא בֵּית־לָחֶם
כִּי מִמִּשְׁפַּחַת בֵּית דָּוִד הוּא׃
ה וַיָּבֹא עִם־מִרְיָם הַמְאֹרָשָׂה לוֹ לָבֹא עַל־הַפְּקוּדִים וְהִיא הָרָה׃
ו וַיְהִי בִּהְיוֹתָם שָׁם וַיִּמְלְאוּ יָמֶיהָ לָלֶדֶת׃
ז וַתֵּלֶד אֶת־בְּנָהּ הַבְּכוֹר וַתְּחַתְּלֵהוּ בַחֲתוּלוֹת וַתָּשֶׂם אֹתוֹ
בָּאֵבוּס כִּי א־מָצְאוּ מָקוֹם לָהֶם בַּמָּלוֹן׃
ח וְרֹעִים הָיוּ לֵנִים בַּשָּׂדֶה בָּאָרֶץ הַהִיא וְנֹטְרִים אֶת־עֶדְרֵיהֶם
בְּאַשְׁמֻרוֹת הַלָּיְלָה׃
ט וְהִנֵּה מַלְאַ יְהוָֹה נִצָּב עֲלֵיהֶם וּכְבוֹד יְהוָֹה זָרַח לָהֶם מִסָּבִיב
וַיִּירְאוּ יִרְאָה גְדוֹלָה׃
י וַיֹּאמֶר אֲלֵיהֶם הַמַּלְאָ אַל־תִּירָאוּ מְבַשֵּׂר טוֹב אֲנִי לָכֶם וְרַב
שָׂשׂוֹן לְכָל־הָעָם׃
יא כִּי מוֹשִׁיעַ יֻלַּד לָכֶם הַיּוֹם הֲא הוּא הַמָּשִׁיחַ הָאָדוֹן בְּעִיר
דָּוִד׃
יב וְזֶה לָכֶם הָאוֹת כִּי תִמְצְאוּ יֶלֶד בַּחֲתוּלָתוֹ שֹׁכֵב בָּאֵבוּס׃
יג וּפִתְאֹם נִרְאוּ עִם־הַמַּלְאָ הֲמוֹן צְבָא הַשָּׁמָיִם מְזַמְּרִים לֵאהִים
וְאֹמְרִים׃
יד כָּבוֹד לֵאהִים בַּמָּרוֹם שָׁלוֹם עֲלֵי־אָרֶץ וְלִבְנֵי אָדָם רָצוֹן׃
טו וַיְהִי כַּאֲשֶׁר עָלוּ מֵעֲלֵיהֶם הַמַּלְאָכִים הַשָּׁמָיְמָה וַיֹּאמְרוּ
הָרֹעִים אִישׁ אֶל־רֵעֵהוּ נֵלְכָה־נָּא עַד בֵּית־לֶחֶם וְנִרְאֶה אֶת־הַדָּבָר
הַנַּעֲשָׂה שָּׁם אֲשֶׁר הוֹדִיעַ לָנוּ יְהוָֹה׃
טז וַיָּחִישׁוּ וַיָּבֹאוּ וַיִּמְצְאוּ אֶת־מִרְיָם וְאֶת־יוֹסֵף וְהַיֶּלֶד
שֹׁכֵב בָּאֵבוּס׃
יז וַיִּרְאוּ וַיַּשְׁמִיעוּ אֶת־הַדָּבָר אֲשֶׁר הֻגַּד לָהֶם עַל־הַיֶּלֶד הַזֶּה׃
יח וַיִּתְמְהוּ הַשֹּׁמְעִים עַל־הַדְּבָרִים אֲשֶׁר־הִגִּידוּ לָהֶם הָרֹעִים׃
יט וּמִרְיָם שָׁמְרָה אֶת־כָּל־הַדְּבָרִים הָאֵלֶּה וַתֶּהְגֶּה בָּם בְּלִבָּהּ׃
כ וְהָרֹעִים שָׁבוּ וַיִּתְּנוּ כָבוֹד וָעֹז לֵאהִים עַל־כֹּל אֲשֶׁר שָׁמְעוּ
וְרָאוּ כְּפִי־אֲשֶׁר דִּבֶּר אֲלֵיהֶם׃
כא וְכִמְאת שְׁמֹנַת יָמִים לְהִמּוֹלוֹ וַיִּקָרֵא שְׁמוֹ יֵשׁוּעַ כַּשֵּׁם
אֲשֶׁר קָרָא־לוֹ הַמַּלְאָ טֶרֶם נוֹצַר בַּבָּטֶן׃
Isaiah 9:5-6
ה כִּי-יֶלֶד יֻלַּד-לָנוּ, בֵּן נִתַּן-לָנוּ, וַתְּהִי הַמִּשְׂרָה, עַל-שִׁכְמוֹ;
וַיִּקְרָא שְׁמוֹ פֶּלֶא יוֹעֵץ, אֵל גִּבּוֹר, אֲבִי-עַד, שַׂר-שָׁלוֹם.
5 For a child is born unto us, a son is given unto us; and the government is
upon his shoulder; and his name is called Pele-joez-el-gibbor-Abi-ad-sar-shalom;
ו לם רבה (לְמַרְבֵּה) הַמִּשְׂרָה וּלְשָׁלוֹם אֵין-קֵץ, עַל-כִּסֵּא דָוִד וְעַל-מַמְלַכְתּוֹ,
לְהָכִין אֹתָהּ וּלְסַעֲדָהּ, בְּמִשְׁפָּט וּבִצְדָקָה; מֵעַתָּה, וְעַד-עוֹלָם,
קִנְאַת יְהוָה צְבָאוֹת, תַּעֲשֶׂה-זֹּאת. {פ}
6 That the government may be increased, and of peace there be no end, upon the
throne of David, and upon his kingdom, to establish it, and to uphold it through
justice and through righteousness from henceforth even for ever. The zeal of
the LORD of hosts doth perform this.