KOMELELE KO KIN KRAIST
Ilo jinoin Anij e ar kõmõnmõn lõñ im lõl. Im Anij e ar kõmõnmõn armij ilo wãwen wõt E, ilo wãwen Anij e ar kõmõnmõn e; man in kõra E ar kõmõnmõn ir. Jenesis 1:1,27

Ilo jinoin Nan eo, im Nan iben Anij, im Nan Anij. E in ilo jinoin iben Anij. E ar kõmõn men otemjej; im ejelok men eo E ar jab kõmõne, men eo emwij kõmõnmõne. Mour ilo E, im mour maram an armij ro. Jon 1:1-4

A ke ej lemnok kin men kein, lo, enjel in Iroj ej weaktok ñõn e ilo tõnak, im ba, Josep, nejin Devid, kwon jab mijõk in bõk beleõm Meri: bwe an bõroro kin Jitõb Kwojarjar. Im e naj keutak nejin man, im kwo naj likit etan Jisõs; bwe E naj lomoren ro dron jen jerawiwi ko air. Matu 1:20,21

Bwe otemjej r’ar jerawiwi, im rej likjõp jen aibujuij an Anij. Rom. 3:23

Bwe wõnan jerawiwi, mij; a men in joij an Anij, mour in drio ilo kraist Jisõs ar Iroj. Rom. 6:23

Kij otemjej einwõt sip ko jar jebwãbwe; jar jeorlok jabrewõt iar ñõn ial ko an; im Jeova e ar likit ion, jerawiwi ko ar otemjej. Isaia 53:6

Bwe kin an Anij yokwe lõl, E ar letok juõn wõt Nejin E ar keutak, bwe jabrewõt eo ej liki E en jab joko, a en mour in drio. Bwe Anij e ar jab jilkintok Nejin ñõn lõl bwe En ekajet lõl, a bwe lõl en mour kin E. Jab ekajet eo ej liki E; a emwij ekajet eo e jab liki E, bwe e ar jab liki etan juõn wõt Nejin Anij e ar keutak. Im men in ekajet eo, bwe maram e mottok ñõn lõl, im armij rej yokwe marok elap jen maram, bwe jerbal ko air renana. Jon 3:16-19

Iroij e jab kemmer kin An kalimur, einwõt jet rej watõk rumij; a Ej meanwõr ñõn kom, im jab kõnan bwe jabrewõt en joko, a bwe ren otemjej itok im ukwelok ibeir. 2 Piter 3:9

Inem ro nukin Israel otemjej ren kanuij jela, bwe Anij e ar kõmõnmõn Jisõs eo bwe En Iroij im Kraist, eo kom ar drebail E. Im ke rej roñjake men in, elil burueir, im rej ba ñõnPiter im dri jilik ro jet, Kom ro jeim im jãtim ta eo kimin kõmõne? Inem Piter ej ba ñõn ir, Kom otemjej komin ukwelok ibemi, im baptais ilo etan Jisõs Kraist bwe En julok jerawiwi ko ami, im kom naj bõk men in letok eo, Jitõb Kwojarjar. Bwe kalimur eo ñõn kom, im ñõn ro nejemi, im ñõn ro otemjej retolok, ro jabrewõt Iroij ar Anij e naj kir ñõn E. Jerbal 2:36-39

Im mour ilo ejelok bar juõn: bwe ejelok bar juõn ãt iomin lõñ, im letok ñõn armij bwe jen mour ilo E. Jerbal 4:12

In em ta je naj ba?Jen ber ilo jerawiwi ke, bwe joij en orlok? En jab eñin. Kij j’ar mij ñõn jerawiwi, ekijkan ar naj bar mour ilo e? Ak kom jaje ke, bwe jabrewõt ro iar, j’ar baptais ilo Kraist Jisõs, j’ar baptais ilo an mij? Bwe emwij kalibwin kij iben kin baptais ilo mij: bwe einwõt ar kejerkakbiji Kraistjen ro remij kin aibjuij an Jemen, bareinwõt kij jen etal ilo mour ekal. Rom. 6:1-4

Bwe ro otemjej iami emwij baptais ir ilo Kraist r’ar kõnõk Kraist. Galetia 3:27

Inem elañe jabrewõt armij ej ber ilo Kraist e men in kõmõnmõn ekal: men ko mokta re lotlok; lo rej erom kal. 2 Corinthians 5:17

Anij ej yokwe yuk, im eor juon an karok elukkun emon non mour eo am.
YOKWE EO AN ANIJ
"Bwe kin an Anij yokwe lol, Ear letok eo nejin emake wot, bwe jabdrewot eo ej like E, en jab jako, a en mour indreio." (John 3:16)
KAROK EO AN ANIJ
(Christ ej konono) "Iar itok bwe ren bok mour, im bwe ren obrak kake." (Im bwe aer obrak en lab tokjen) (John10:10)