KALIMUR EKÃL BAPTAIS
Im emwij kir kom ñõn men in: bwe Kraist e ar iñtan kin kom, im likit joñok ñõn kom, bwe komin anõke jenkwõn ne ko neen: 1 Piter 2:21

Im ilo ran ko, Jisõs e ar itok jen Nazaret i Galili, im Jon e ar baptais E ilo Jordan. Mark 1:9

A ke armij otemjej r’ar baptais, bareinwõt Jisõs ej baptais, im ke Ej jar, lõñ emjallok… Luk 3:21

Inem komin ilok, im kõmõn dri ailiñ ko otemjej bwe ren dri kalora, im baptais ir ilo etan Jema im Nejin in Jitõb Kwojarjar… Matu 28:19

Eo ej tõmak im baptais, e naj mour; eo e jab tõmak, naj liakelok e. Mark 16:16

Inem ro nukin Israel otemjej ren kanuij jela, bwe Anij e ar kõmõnmõn Jisõs eo bwe En Iroj im Kraist, eo kom ar drebail E. Im ke rej roñjake men in, elil burueir, im rej ba ñõnPiter im dri jilik ro jet, Kom ro jeim im jãtim ta eo kimin kõmõne? Inem Piter ej ba ñõn ir, Kom otemjej komin ukwelok ibemi, im baptais ilo etan Jisõs Kraist bwe En julok jerawiwi ko ami, im kom naj bõk men in letok eo, Jitõb Kwojarjar. Jerbal 2:36-38

A ien eo rej tõmak Pilip ke ej kwalok nan emõn kin ailiñ in Anij, im etan Jisõs Kraist, rej baptais, man im kõra. Jerbal 8:12

Bwe E jañin buñ loir: rej baptais wõt ilo etan Iroij Jisõs. Jerbal 8:16

Inem Pilip ej walõñi Ioñin, im jino jen jeje in, im kwalok Jisõs ñõn e. Im ke rej ilok ilo ial eo lok, rej itok ñõn juõn dren: im eunõk e ba, Lo dren e; ta ej bõprae iõ bwe in jab baptais? Im e jiroñ bwew jariõt en bwijrõk. Im ke rejro wõnlõl ñõn loan dren, Pilip im eunõk eo; im ej baptais. Jerbal 8:35-38

Im Anenaiõs ej ilok, im dreloñ iloan mweo; im ej likit pein ion im ba, Jãtiõ Saul, Iroij, Jisõs eo E ar weaktok ñõn yuk ilo ial eo ke kw’ar itok, Ej jilkinwõj iõ, bwe kwon bar lolokjen, im obrõk kin Jitõb kwojarjar. Im kiõkiõ re buñ jen mejen einwõt kilin lik, im ej lolokjen; im ej jutõk im baptais. Jerbal 9:17,18

Im kiõ etke kwoj rumij? kwon jerkak, im baptais, im kwolilok jerawiwi ko am, im kabuñ kin Etan. Jerbal 22:16

Im ej jiroñ bwe ren baptais ir ilo etan Iroij. Inem rej akwelap ñõn e bwe en berwõt iomin jet ran. Jerbal 10:48

Im juõn kõraetan Lidia, juõn dru wia kin nuknuk eõij, jen jikin kwelok Taietaira, ej dri kabuñ ñõn Anij, im ej roñjake kim: Iroij ej kebellok buruen, bwe en eoroñ nan ko Paul ej konono kaki. Im ke emwij baptais, im ro nukin, ej akwelap ñõn kim, im ba Elañekomij lemnok bwe ij tiljek ñõn Iroij, komin dreloñ iloan mweo imõ, im berwõt. Im ej drebij kim. Jerbal 16:14,15

Im añintok ir, im ba, Iroij rãrã, ta eo in kõm˜enmõne bwe in mour? Im re ba, Kwon liki Iroij Jisõs, im kwo naj mour, kwe im ro nukum. Im rej konono ñõn e nan in Iroij, im ñõn ro otemjej rej ber iloan mweo imõn. Im ej bõk ir ilo auõ eo ilo boñ, im kwole ijo r’ar dreñlok ir: im ej baptais, e im ro nukin otemjej kiõkiõ. Jerbal 16:30-33

Im ke Apollõs ej ber i Korint, im emwij an Paul driblok ene ko ioij ej itok ñõn Episõs im lo jet dri kalor; Im e ba ñõn ir, Ien ami tõmak kom ar bõk Jitõb Kwojarjar ke? Im re ba ñõn e, Jab. Kim ar jab rõn bwe emwij letok Jitõb Kwojarjar. Im e ba ñõn ir, Inem ilo ta kom ar baptais? Im re ba, Ilo baptais an Jon. Jerbal 19:1-5

Im el itok ilo ene otemjej iturin Jordan, imkwalok baptais in ukwelok ñõn jeorlok jerawiwi ko: Luk 3:3

Im ej baptais ir ilo Jordan, im rej kwalok jerawiwi ko air. Ña ij baptais kom kin dren ilo ukwelok ibemi: a Eo ej itok elikiõ elap an kajur jen iõ, ballin neen I betkake in bõki: E naj baptais kom kin Jitob kwojarjar im kijeek: Matu 3:6,11

Inem Paul e ba, Jon e ar baptais kin baptais in ukwelok, im ba ñõn armij, bwe ren liki Eo e naj itok elikin, E in Jisõs
Ke rej roñ men in, rej baptais ilo etan Iroij Jisõs. Jerbal 19:4,5

Ak kom jaje ke, bwe jabrewõt ro iar, j’ar baptais ilo Kraist Jisõs, j’ar baptais ilo an mij? Bwe emwij kalibwin kij iben kin baptais ilo mij: bwe einwõt ar kejerkakbiji Kraistjen ro remij kin aibjuij an Jemen, bareinwõt kij jen etal ilo mour ekai. Rom. 6:3-4

Bwe ro otemjej iami emwij baptais ir ilo Kraist r’ar kõnõk Kraist. Galetia 3:27